DECA – Ethiopien – Sheka Forest

Nächst Réischterung den 13. Juli, nächste Versand de 15. Juli!

Deen éischten Deca ass endlech do! 😀 Perfekt also wanns du Problemer mat Koffein hues oder einfach gär Owes eng Taass gudde Kaffi drénks, déi dech net déi ganz Nuecht wakrech hält!

Sheka

De Kaffi kënnt aus der Sheka Regioun déi sou villfälteg a biodivers ass, dass et eng UN geschützte Biosphär ass. De Kaffi gëtt hei komplett am Aklang mat der Natur an nohalteg ugebaut. De faire Präis deen d’Kaffisbaueren hei kréie fir hire Kaffi, hält si dovun of mussen illegale Weeër nozegoe fir iwwer d’Ronnen ze kommen, wéi beispillsweis illegal Ofholzung vum Bësch.

De Kaffi huet interessant Goûte vun Orangebléien, Nektarinn a Schockela. Ech réischteren dëse Kaffi méi hell an en ass zimmlech duuss!

Suger Cane Decaf – Wéi funktionéiert dat?

Den Zockerrouerprozess fir Kaffi ze entkaffeinéieren ass een natierlechen a geschmackserhaalende Prozess.

Déi gréng Boune gi fir d’éischt a waarmt Waasser geluecht, wouduerch all déi léislech Stoffer wéi Koffein an d’Aromaen an d’Waasser iwwerginn. Duerno gëtt dëst Waasser duerch ee Filter lafe gelooss, dee mat engem Nieweprodukt vum Zockerrouer gefëllt ass. Dësen Zockerrouerproduit ass dofir verantwortlech de Koffein ze bannen aus dem Waasser ouni awer d’Aromastoffer rauszezéien. Duerno kommen d’Boune rëm an dëst Waasser fir se ze rehydratéieren a , fir dass se d’Aromastoffer erëm ophuele kënnen ier se gedréchent ginn.

Deca ass méi deier wéi normale Kaffi aus deem einfache Grond, dass et een opwennegen an Zäitintensive Prozess ass. Falls du nach Froen dozou hues, zéck net mir ze schreiwen! Bedenk wegl, dass och am Deca ëmmer e bëssche Koffein zeréckbleift. Typescherweis sinn dat 2-5mg pro Taass am Verglach zu ronn 95mg an enger “normaler” Taass Kaffi.

• Sheka Estate
• Besetzer: Gidey Berhe Retta
• Ugebaut zu: Sheka Regioun, Ethiopia
• Altitude: 1680 – 1950m
• Goûten: Orangebléien, Nektarin, Schockela
• Varietéit: aal ethiopesch Zorten
• Prozess: Zockerrouer Deca
• 100% Arabica
• wéineg Saier a Mo schounend
• Bëschkaffi
• Vun Hand gepléckt
• Fair gehandelt