Kenia – Sakami – Gewäsch

OPGEPASST: Mir sinn am Congé! Du kanns weiderhi Kaffi bestellen. Däi Kaffi gëtt an der Woch vum 26. Oktober geréischtert a verschéckt!

Säit Joren schaffen ech elo scho mam Gloria a senger Farm Sakami déi zu Kitale a Kenia läit. Lescht Joer war ech selwer bei him an hu mir déi grouss Farm vun him selwer ugekuckt. Dem Gloria ass et immens wichteg esou ville Leit wéi méiglech duerch de Kaffi eng Arbecht kënnen ze ginn. D’Glora setzt sech och staark fir d’Fraen am Kaffi an, an hëlleft anere Produzentinnen bessere Kaffi ze produzéieren an esou och besser Präisser fir de Kaffi ze kréien.

Bedriwwe gëtt déi ëmweltfrëndlechst Kaffifarm a Kenia vum Gloria a sengem finnesche Mann Jarmo. Si benotzen de Prinzip vun der Permakultur a bedreiwen hir Mille komplett mat Solarenergie.

Wéi typesch fir kenianesche Kaffi, ass dem Gloria säi Kaffi immens fruuchteg a sprëtzeg. Perfekt fir déi Leit, déi mol gär eppes méi Spezielles probéieren wëllen.

• Finca: Sakami
• Besëtzer: Gloria a Jarmo Gummerus
• Ugebaut zu: Kitale, Kenia
• Altitude: 1800m
• SCA Punkten (Skala bis 100): 85.5 Punkten (exzellent)
• Goûten: immens fruuchteg, Äerdbier, Mëllechschockla, immens duuss
• Varietéit: SL28
• 100% Arabica
• Keen Asaz vu Chemikalien
• Vun Hand gepléckt
• Fair gehandelt

Hei geet et op d’Internetsäit vun der Farm a Kenia