Nicaragua – Rony Herrera

OPGEPASST: Mir sinn am Congé! Du kanns weiderhi Kaffi bestellen. Däi Kaffi gëtt an der Woch vum 26. Oktober geréischtert a verschéckt!

De Rony Herrera ass ee Kaffisproduzent an 3. Generatioun an deen éischten aus der Famill dee sech komplett op Spezialitéiten Kaffi fokusséiert huet. Säit dem Alter vun 10 Joer huet de Rony mat op der Farm gehollef, wéi d’Farm nach Finca Fila Quemada geheescht huet, een Numm deen dorun erënnert, dass d’Farm eng Kéier ofgebrannt ass duerch onbekannte Grënn. Am Joer 2013 huet de Rony d’Farm iwwerholl an sech dorëms gekëmmert d’Qualitéit vum produzéierte Kaffi lues a lues besser ze maachen.

Dem Rony seng Farm läit an enger Géigend déi La Explosión genannt gëtt, ronn 17 Kilometer nördlech vun der Staat San Fernando, op enger Héischt vu 1.450 bis 1.630 m iwwer dem Mieresspigel. Op der Farm gëtt aktuell d’Varietéit Catuai ugebaut, mee fir d’Zukunft huet de Rony och geplangt Pink Bourbon a Geisha unzebauen.

D’Produktioun vu Spezialitéite Kaffi bréngt dem Rony eng immens Satisfaktioun a Freed, virun allem well hien déi direkt Relatioun mat de Kaffisréischterer schätzt, déi seng Arbecht wäertschätzen.

De Kaffi huet angenehm blummeg a fruuchteg Goûten an ass wierklech ee Genoss, fir Fans vu méi duusem Kaffi.

• Produzent: Rony Herrera
• Ugebaut zu: La Explosión, Nueva Segovia, Nicaragua
• Altitude: 1450m – 1630m
• Varietéiten: Catuai
• Goûten: blummeg a fruuchteg
• Prozess: gewäsch
• 100% Arabica
• Vun Hand gepléckt
• Fair gehandelt