Pepperlina – Schwaarze Peffer

Dëse schwaarze Peffer kënnt aus der Demokratescher Republik Kongo vun der Insel Idjiwi. E gëtt vum Elody Wema Naburafiki a senger Fraekooperativ (Coopérative des Productrices des Epices Wa Mama Congo Ni Tamu) ugebaut a gedréchent. Niewt schwaarzem Peffer produzéiere si och nach eng ganz Rëtsch aner Saache, wéi zB Kaffi, Neelcheskäpp, wäisse Peffer, Ingwer a Muskatnëss.

De schwaarze Peffer ass d’Fruucht vun der Kloterplanz mam selwechten Numm. E gëtt gesammelt just ier d’Fruucht zeideg ass an duerno mat der Schuel gedréchent. Schwaarze Peffer huet en intensive Gout an ass och e bësse méi schaarf wéi dee wäisse Peffer.

Du kriss en am Glas (80g), am Tube (8g) an am Set (4 verschidde Gewierzer).

Hei kriss du och méi duusse wäisse Peffer vun der selwechter Kooperativ.