Ruanda – vu Leit mat Behënnerungen

Nächst Réischterung Méinden 15. Juni, nächste Versand Mëttwoch 17. Juni! 

Intango gleeft dorun, dass Kaffi ee würdegen an nohaltege Wee fir ekonomesch Entwécklung fir JIDDEREE ka sinn, besonnesch fir Produzent*innen mat Behënnerungen déi nëmme wéineg ekonomesch Méiglechkeeten hunn. An dowéinst schafft Intango mat 11 Produzent*innen, déi mat verschiddenen Behënnerungen liewen, an hëlleft hinnen hieren Liewensënnerhalt mat Kaffi ze verdéngen.

Virun e puer Joer huet Intango fir dëse Projet Land nieft der Wäschstatioun vum Kaffi kaf, wou des déi 11 Produzent*innen elo zesummenn ee gemeinsame Kaffigaard bedreiwen. Dëst Joer ass dat éischt Joer an deem sie hiere Kaffi exportéieren kënnen an ech hunn 2 Säck vun dësem wonnerbaren anaerobesche fermentéierte Kaffi kaf!

Genau wéi aner Produzent*innen déi mat Intango schaffen, an d’Geld vum Kaffi genotzt hu fir hier Kanner an d’Schoul ze schécken, hier Haiser ze verbesseren an ee besseren Liewenstandard ze hunn, ass och dat d’Zil fir dës 11 Produzent*innen. Mat faire Präiser an Ennerstëtzung vun Intango, gëtt Kaffi zu méi wéi engem Produit, e gëtt zu engem Moyen fir Wandel. Kaffi heescht Mënschen an do ass jiddereen domat gemengt!

Wéi gewinnt fir Kaffi aus Ruanda, ass et een immens fruuchtege Kaffi mat blummegen Nouten. Fir Amateuren vu méi speziellem Kaffi genau dat Richtegt! 🙂

Anaerobesch natierlech heescht, dass de Kaffi nom Plécken an engem Tank fir 3 Deeg loftdicht fermentéiere gelooss gëtt, ier en dann ausgeluecht gëtt fir ze dréchnen. Réischt nom Dréchnen ginn, d’Bounen aus de Friichte rausgeholl an a Säck oofgefëllt. Des Verarbechtungsmethod dréit zu deem fruuchtege Goût bäi.

• Farm: 11 Produzent*innen mat Behënnerungen
• Co-op: Intango
• Ugebaut zu: Karongi District – Western Province, Rwanda
• Altitude: 1.500 – 1.900m
• SCA Punkten (Skala bis 100): 87.5 Punkten (exzellent)
• Goûten: Zitrusfriichten, blummeg
• Varietéit: Arabica Bourbon: French Mission, Jackson, Mbirizi
• 100% Arabica
• Prozess: anaerobesch natierlech
• Vun Hand gepléckt
• Fair gehandelt