Degustatioun – Schmaach déi 4 Kaffien

Nächst Réischterung den 17. Mäerz, nächste Versand den 19. Mäerz!

Wëllkomm op Patrice.Coffee!

Ech sinn de Patrice a gudden, richteg faire Kaffi ass meng Passioun. Zanter 2019 réischteren ech Kaffi a verschécken en duerch dat ganzt Land. D’Kaffie kréien ech iwwer de Wee vum Direct Trade (direkten Handel) dat heescht dass bal keng Tëschenhändler tëscht dem Kaffisbauer a mir selwer sech ee Stéck vum Kuch ofschneiden an dofir kritt de Bauer vill méi Geld fir säi Kaffi, am Verglach zum konventionelle Kaffi, deen op der Börs gehandelt gëtt.

Schmaach elo 4 aktuell Kaffie vu Patrice.Coffee. Géi op eng kleng Kaffisweltrees an entdeck Kaffi aus Brasilien, Ethiopien, Kolumbien an aus Kenia. Déi 4 Kaffie sinn immens ënnerschiddlech an ech si mir sécher, dass de mat dësem Pak Goûten entdecks, déis du dir net bei Kaffi erwaart hues.

Scroll erof fir Bewäertunge vu menge Clienten ze liesen! 🙂 

Brasilien:

De Kaffi aus Brasilien ass eng Mëschung vu 4 Kaffisfarmen déi ënner dem Numm Capricornio zesummeschaffen. D’Mëschung ass ofgestëmmt fir een exzellenten Espresso aus dem Kaffi erauszehuelen an och fir Espresso baséiert Mëllechgedrénks, wéi Cappuccino oder Latté. Genau dat richteg fir d’Espressofans déi et gär méi staark hunn!

Ethiopien:

Kaffi aus dem Ursprongsland vun der Kaffiplanz ass eppes Besonnesches. Esou och dëse méi däischter geréischterten, duusse Kaffi vun der Galeh Limmu Kossa Farm. Ee blummege Kaffi mat Noss a Schockela Goûten.

Kolumbien:

Op menger Rees a Kolumbien, hunn ech nieft der Argote Famill (déi de Kaffi aus Kolumbien exportéieren) och de Jésus Cerón kennegeléiert.

Dëse Kaffi ass een Hunneg Kaffi, dat heescht d’Fruucht gëtt erofgeholl mee de pechege Schläim ronderëm d’Boun bléift dru fir en ze dréchnen. Doduerch entwéckelt de Kaffi aner Goûte wéi wann en zB gewäsch gëtt. D’Goûte vu Mëllechschockela, rouden Apel a Mango maachen dem Jésus säi Kaffi zu engem richtege Genoss.

Peru:

Churupampa ass eng Kaffisfarm mat engem soziale Business Modell. Amplaz nëmmen no sech ze kucken, hëlleft Tocto Famill och méi wéi 30 anere Baueren an der Emgéigend hire Kaffi besser ze maachen, en ze vermarkten an ze verschëffen. Dëse Kaffi huet Goûte vu Schockela an ass nossëg, mat enger ganz liichter an angeneemer Nout vu Friichten. En ass besonnesch gëeegent fir d’Fans vu méi traditionellem Kaffi.