Nicaragua – Cynthia W. La Rue – Finca La Plata

Dëse Kaffi aus Cerro del Diablo, Jinotega, Nicaragua huet eng ganz besonnesch Geschicht. D’Finca La Plata gëtt vum Cynthia La Rue gefouert.

D’Cynthia ass op dëser Farm opgewuess mee huet mat 12 missen de Nicaragua verloosse wéinst dem Biergerkrich. Zesumme mat senge Geschwëster ass hat an Amerika geflücht.

Viru ronn 10 Joer konnt hat endlech zeréck an den Nicaragua goen an huet op deem Land, dat hat vu sengem Papp geierft huet rëm ugefaange Kaffi unzebauen. 

Fir d’Cynthia La Rue war dat wichtegst gutt Qualitéit a gutt Arbechtsemstänn fir seng Ugestallter. Dofir gëtt et fir seng Ugestallter eng Crèche fir d’Kanner a mat déi bescht Ënnerbréngunge fir d’Aarbechter.

Hat probéiert seng Farm och méi zirkulär ze maachen. Dat heescht Offallproduiten aus dem Kaffiubau erëm ze benotzen. Ee Beispill dofir ass de Methan dee wärend dem Wäsche vum Kaffi bei der Fermentatioun entsteet. Hat fänkt dëse Methan op fir domat kennen ze kachen. 

• Finca: La Plata
• Besetzer: Cynthia W. La Rue
• Ugebaut zu: Cerro del Diablo, Jinotega, Nicaragua
• Altitude: 1350m
• Goûten: Bluttorangen, Mandel, Noss
• Varietéit: Caturra, Catuaí, Bourbon
• 100% Arabica
• wéineg Saier a Mo schounend
• Vun Hand gepléckt
• Fair gehandelt